我叫See HIM

14/7/2013 

  恢復番寫Blog既日子,不過今次要用屬靈既眼睛去睇事物。今日牧師鼓勵我地寫Blog,而我自己又成日有好多野想分享,於是就決定開呢個Blog

   原來教會中有一D弟兄姊妹唔知道我真名原來真係叫See HIM,以為我Facebook個名係自己作出黎(汗),我冇咁大口氣話自己能夠見到神,哈哈。查實我真名叫雷思謙,其實我都係前幾年,係一個好適合既時候,就係真正接觸番信仰既時候,先知自己叫See HIM既原因,就係得見主面。以前好唔鐘意自己個名,因為好女性化,仲有諗過大個仔之後一定要改番個靚名,反正都係五百蚊。但係當知道左原因之後,再慢慢係基督門徒福音會中看到弟兄姊妹牧師既分享見證,我就知道自己既名係幾咁有意義。我發覺原來Yahweh父神由我一出生就好明顯地留下神自己既印記,只係我未懂事,唔明白。所謂「大難不死,必有後福」,好多人都唔知其實我一出世就行過死亡既邊緣:出世時飲左羊水導致發高燒,這到差D燒壞腦,最後好番出院成長直至現在。對於當時仍然係基督徒既父母,我相信係好大既一個恩典,既然神要我存活下來,我希望可以讓神去使用我帶番父母,甚至更多人歸主,當然我要先處理左自己委身既問題。


一直以黎,經歷左神好多好多,屬靈上既事我能夠看得多左,委身既勇氣亦一日一日咁增大。在基督門徒福音會的弟兄姊妹同工既教導,我學到用神既愛去愛人,神點樣去愛世人,我就去仿傚神既愛,又學習去忍讓,慢慢地動怒,直到今時今日我學習去委身。

今日講到人應該致力成為完全,提摩太組又問到自己生命應該何去,何從。但係自己其實冇被刺穿既感覺,心諗自己都上緊委身課,呢D野應該識架啦。正正係完左組起程番屋企之後,我卻係發覺自己被一D俗事去煩擾,搞到自己冇心情。我諗起:我的心哪,為何憂悶,你為何如此苦惱?委身比神唔應該係咁架喎。又諗起一句詩歌歌詞一無掛慮,仰望著祢,於是就向神禱告,問神我生命中出左咩問題呢?神話:兒阿,你連委身既動機都未搞清楚阿!

 我知道我委身,係要讓神改變自己,成為神能用既人,去傳揚福音。然後呢?當神願意既時候,我可以去改變更多既人。然後呢?咁自己呢?神正正就係提醒左自己,問自己點解委身既時候唔係去到神改變自己成為能被使用既人就停,而係好似今日主日講道咁講:委身讓神改變自己,係為左同神接上,能夠同神有關係嘛!神想我地知道自己同佢有關係因為神想我地成為完全,因為神想我地成為佢既兒女,要我地有佢既樣式嘛!透過成為完全,得著神既生命,我地先有永生既把握。成日講永生永生,呢樣野唔係應該係人應該追求既咩?其實我本應聽過好多次關於永生既說話,點解自己反而停留左係道理既開端,反而唔在意自己需要追求永生呢?
好記得張牧師係書本獨一的真神入面講到:
認識你獨一的真神,並且認識你所差來的耶穌基督,這就是永生。(17:3)"認識既意思係知道某某既性情,某某既性格,知道佢既心意。我地唔認識神,神點會讓永生與我地有份呢?我地渴唔渴望認識神既性情,明白神既心意呢?我渴望。父神阿,我唔認識祢,我對你既心意唔敏感,因為自己仲有好多地方存有硬心,求祢一一剖開,軟化,為著進入永生,得見祢面。

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

w

連結到 %s